رقصة هيفا تحل الازمة

فى احد ايام اجازتى الغير رسمية حيث انى المدير لمحل املكه انا مما يعطينى حق الغياب الغير رسمى عملاً بالمثل المفتعل (حاميها يغيب براحته).كنا نجلس نحن الوارد اسماءنا فى السطر القادم وعلى الترتيب الاتىمحمود و احمد وعلى.امام شاشة تليفزيون مقاس 29 بوصة حيث جلسات السهر امام التليفزيون زى زمان.و بناء على طلب منى (يا عم شوف لنا حاجة غير اللى مشغله ده هات لنا اى مسرحية ولا فيلم كوميدى).ورغم وجود حزب مُعارض لقرار محمود الذى قام بتغيير محطة التليفزيون بعد استخدامه لجملته الشهيرة (طلبك عندى).وهو يعمل فى احد محلات الملابس منذ 3 سنوات رغم تخرجه من كلية الحقوق.ليأتى بقناة كوميدية محاولاً اضفاء البهجة على هذه الجلسة التليفزيونية و خاصة فى حضور على.فهو شخص متشائم (فقرى حسب تعبير محمود) و هو يعمل مصمم جرافيك.و ما كان من على ان ينهر محمود بنظرة يعلم معناها جيداً.أمراً محمود تغيير المحطة الا انه رفض فرد عليه على مستخدماً جملته المعهودة (انا مصمم.انا مصمم تغير المحطة دى).و كانت عدم الاستجابة هى الرد الوحيد من محمود على أمر عَلى محاولاً اقناعه قائلاً (مايبقاش مخك صغير بقى.خليك large و خلينا نتفرج براحتنا).الا ان اشتد موقف عَلى المصمم على تغيير المحطة.مما زاد احتداد الموقف بين الطرفين.حيث يأتى دورى فى التهدئة و القيام بدور الوسيط حيث اصبح وسيط بينهم شكلاً و موضوعاً

و عملاَ منى بنظام الديمقراطية طلبت من عَلى طرح وجهة نظره.و الذى بدأها بجملة (انا معترض على هذه المحطة).و كان سؤالى موجه اليه (طيب انت وجه اعتراضك على المحطة؟!).رد قائلاً بعد ان نهرنى بنظرة افهم معاناها جيداً (يعنى خلاص مبقاش فى مشاكل و كل حاجة بقت كويسة عشان فى الاخر يعملوا لنا قناة كوميدية.يعنى سابوا كل حاجة و مكنش ناقصنا الا القناة الكوميدية؟!).و حرف (النون) فى الجملة السابقة عائد على (الشعب).طبعاًَ دا رأيه هو ما انا الا مجرد ناقل. (ايه التشاؤم اللى انت فيه ده.كمان مش عاوزهم يعملوا حاجة تضحكنا.يا ساااتر عليك يا راجل) قالها محمود بكل حماسة رداً على عَلى الذى تغير تعبيرات وجهه أثر جملة محمود قائلاَ (قصدك يضحكوا علينا مش يضحكونا).رد عليه محمود (يابنى سيبك من نظرية المؤامرة و سوء النية اللى انت عايش فيهم دول).و رد عَلى (مؤامرة ايه و نية مين بس.طيب بزمتك انت شايف انهم خلاص حلوا كل المشاكل مبقاش ناقص غير قناة كوميدية عشان ننبسط ؟) كاد السؤال الموجه لى من عَلى الايقاع بى فى مأزق و الذى تجاهلت الاجابة عليه مكتفى بالنظر الى محمود الذى قال (يابنى ادم ما تغمقش الحياة كدة وبطل شكك فى كل حاجة كدة و اديها refresh كفاية مشاكل الحياة).امسك عَلى بكلام الاخر و قال (اديك قولتها مشاكل الحياة و باغتنى بسؤال اخر (اللى عنده مشكلة يحلها ولا ياخد لها مسكن و يكتم ولا ان فى مشكلة اصلاً؟) و كان ردى ايه؟ (مُدعى الصمم المؤقت).و استأنف قائلاً بحكمة و حماس شديدان (يا اخى دا بيقولك يا بخت من بكانى و بكا الناس عليا ولا ضحكنى و ضحك الناس عليا)

و بعد فشل محاولاتى فى تهدئة الموقف بين الجانبين و هروباً من اسئلة عَلى قررت انا تغيير المحطة الى احد محطات الاغانى لأجد الصمت يعم المكان.انه صمت التركيز فى شاشة التليفزيون حيث توجد هيفا وهبى متراقصة فى اخر وصلة لها اقصد اخر كليب لها.

احمد عبد العزيز