Sunday, November 25, 2007

من داخل الملفات السرية لحياتى الشخصية

ليل-داخلى بالتحديد فى عيادة الدكتور

الدكتور: و انت حاسس بكدة من امتى ؟

انا: اممم من حوالى شهرين او تلت تشهر

الدكتور: طيب كويس انك جيتلى فى الوقت المناسب

ابصله و اتنهد تنهيدة طويلة

الدكتور: طيب ايه السبب اللى خلاك تحس بكدة؟

انا: انى شايف انى بفهم فى حاجات كتير و مش انا لوحدى اللى شايف كدة

الدكتور: حاجات زى ايه يعنى؟

انا : زى الكتابة الصحفية مثلا.افكار الاعلانات و تصميمها يعنى و بفهم فى السينما كمان الى حد ما

الدكتور: و تفتكر انك كدة جامد؟!

انا : مش انا لوحدى اللى افتكر كدة.ناس كتير تفتكر كدة

الدكتور : اممممم بس مش غريبة انك بتعرف تعمل كل ده و تكون بتفكر غلط

انا: غلط ازاى و غلط فى ايه اصلا؟؟

الدكتور: لأن احساسك بأنك جامد.اول خطوة للوقوع

انا : قصدك ايه؟؟

الدكتور: قولى كدة اخر مرة كتبت حاجة كان امتى؟.اخر مرة علمت فيها اعلان كان امتى؟

انا : اممم مش فاكر

الدكتور : زى ماتوقعت.تعرف ليه؟.لانك ماشفتش غير نفسك و بس.شوفت انك الوحيد اللى جامد.و مجرد احساسك انك جامد بالدرجة حايخلك معجب بكل اللى بتعمله و فاكره حلو و هو للأسف مش حلو ولا حاجة

خرجت من عند الدكتور و انا محتار اكتر من الاول.فكرت فى كلامه اوى.

روحت البيت و كان اول حاجة عملتها فتحت سايت www.ganzeer.com

و تانى واحد كان http://www.youtube.com/results?search_query=amr%20salama&search=Search&sa=X&oi=spell&resnum=0&spell=1

و اللى هو كليبات عمرو سلامة.حتى وجدت نفسى فى لحظة انى ولا حاجة....

و ده اللى فهمنى كلام الدكتور و ده اللى دفعنى برضو انى اكتب حاجة و ده كان اول حاجة كتبتها بعد ما شوفت انى مش لوحدى اللى بيعرف فى حاجات كتير بس طلعت بحاجة جديدة و هو طول مانت مش راضى عن شغلك او اللى بتعمله حاتعمل عشان تبقى احسن و انك تفتكر انك الجامد زى ما بيقولوا اول خطوة لانك تقع


احمد عبد العزيز


2 comments:

VisualStoryTeller said...

أحمد

أنا عمرو سلامة و قاعد جمبي و أنا بكتبلك الكلام ده محمد فهمي بتاع جنزير و محمد معتصم اللي كتب معايا الفيلم

إحنا بنشكرك آخر حاجة و بنقلك (عاش يا وحش) إنت كلامك ده بيدل أنك وجدتها و إنت على أول الطريق اللي إحنا برضه على أوله

و إنشاء الله تبقى أجمد و أجمد

VisualStoryTeller said...

my real blog is http://visualstoryteller.maktoobblog.com

thanks

 

web site counter
Best Buy Electronics Store