Thursday, January 15, 2009

ماليش فى السياسة

ماليش فى السياسة
ماليش فى السياسة و كلامها الكبير ولا عمرى احب ارغى ولا اتكلم كتير
ولا جيت مرة اشتكيت ولا قولت فى يوم ياريت
او اقول ياما كان فى نفسى ولا يوم كرهت نفسى فى زنقة اتوبيس
ولا قولت لو بس ينفع و لو قولت ايه يعنى يفرق؟
قالوا حايلغوا الـ 80 و كمان غلوا الــ 90 ولا يفرق فى الحالتين.اصل انا معنديش عربية
طيب بس حاجيبها منين؟!
اصلى ماليش فى السياسة و كلامها الكبير
ولا عمرى يوم صدقت الحزب الوطنى الكبير
ولا جيت قولت المرتب فى كل شهر ينقص و فى نص الشهر يخلص
دا حتى الحاجات عمالة ترخص...!! دا الانسان عمال بيرخص
و فى ايديه ايه غير بس يخرص و يدعى يقول يارب نخلص
ماليش فى السياسة و كلامها الكبير انا بس نفس اعيش كويس غنى بقى او فقير
احمد عبد العزيز

No comments:

 

web site counter
Best Buy Electronics Store